2014 жылғы 5 желтоқсанда Алматы қаласында Розыбакиев пен Жандосов көшелерінің қиылысында жаңа «Байкен» мешіті ашылды.
Мешіт Қазақ КСР-нің мемлекет қайраткері Байкен Әшімовтың құрметіне аталған. Алматы қаласының 43 мешітінің ішіндегі ислам архитектурасына барынша сәйкес келетін мешіттердің бірі. Мешіт ғимараты алтын күмбезді және 4 мұнарасы бар дәстүрлі ислам стилінде салынған. Мешіт қабырғалары шығыс ою-өрнектерімен безендірілген. «Байкен» мешіті Бостандық ауданындағы ең үлкен мешіт болып саналады. Мешіт 3000 адамға есептелген, 6000 шаршы метрден астам аумақты алып жатыр. Мешіт және ішкі архитектурасы заманауи дыбыстық жабдықта өте жақсы және сапалы акустикалық дыбысты жасау үшін жасалған. Мешітте үлкен орталық күмбез және периметрі бойынша төрт мұнара орналасқан. Заманауи және жайлы – ол тек Алматы қаласының ғана емес, бүкіл Қазақстанның да әдемі мешіттерінің бірі болды. Мешіт алты қабаттан тұрады, алтыншы қабаты жартылай әйелдер бөліміне берілген. Мешіт аумағында 88 автокөлікке арналған 2 деңгейлі жер асты автотұрағы мен дәретхана бар.
Мешіт күндізгі және түнгі жарықпен жабдықталған және есеп бойынша Алматыдағы 39-ші діни ғимарат болып табылады.
Мешітте классикалық аймақтандыру бар: орталық бөлігінде намазға арналған негізгі зал, мешіттің жоғарғы бөлігінде әйелдер залы орналасқан. Орталық Азия мешіттерінің көп бөліктерінде ауланың болуы қарастырылғанымен, «Байкен» мешітінде аула жоқ. Сонымен қатар, мешітке барлық жағынан кіруге болады. Әрбір кіреберістері жеке киім шешетін орын мен аяқ киім шкафтарымен жабдықталған.
Қала қонақтары үшін мешіт құрылыс өнері мен ұлттық мәдениет ескерткіші ретінде қызығушылық танытатын және діндарлардың кездесу және құдайға құлшылық ету орны болып табылады.
Мешіт тек діндарларды ғана емес, сондай-ақ қала көшелерінің ансамбліне қайталанбас бірегейлікті әкелетін әдемі сәулет құрылыстарына қызығушылық танытатын саяхатшыларды да өз күмбезінің астына тартады. «Байкен» мешітінің мұнаралары Алматы қаласының алыс шетінен көрініп, маңайына айтарлықтай көркемділік беріп тұр.
