Парапланеризм — Алматыда белсенді демалыстың ең танымал түрлерінің бірі. Қаланы қоршап тұрған таулар қызығушылық танытып жүргендерге бірінші рет «қанатқа тұру» үшін тамаша жағдай жасайды. «Шымбұлақ» тау шаңғы курорты, Үшқоңыр үстіртіндегі дельтадром, Үлкен Алматы шатқалы… Парапланмен ұшу — саяхатшыға қызықты болатын экскурсия. Тәжірибелі нұсқаушылар алғаш рет келгендерге қауіпсіздікті кепілдік етеді. Бұл белсенді демалыс түрі барлық маусымда өзекті, дегенмен парапланеризмді үйренгісі келетіндерге жаттығуды қыста бастауға кеңес беріледі. Ұшу бағасы бағыттың ұзақтығы мен күрделілігіне байланысты. Нұсқаушымен бірге ұшудың құны — шамамен 20 000 теңге. 10 минуттан аса уақытқа ұшу орналасқан жеріне байланысты 45 мың теңгеге дейін және одан жоғары болуы мүмкін. Сонымен қатар, ұшуды экшн-камераға түсіруге болады.
