13-14 шілдеде Алматыда 3х3 FIBA World Tour Almaty-2024 баскетболдан халықаралық турнир өтеді.
Шағын баскетбол турнирі жылдың ең қызықты оқиғаларының бірі болуға уәде береді. Жарыс Алматыда Республика Сарайының алдындағы Абай алаңында өтеді және әлемнің үздік ойыншыларын жинайды.
3х3 — бұл бүкіл әлемде кеңінен қолданылатын FIBA-ның стандартталған стритбол нұсқасы. Ойын фоматы динамикалық және көрермендерді өзінің жарқын сәттерімен қызықтырады.
Турнирге FIBA-ның 12 үздік командасы қатысады, олардың ішінде Partizan және Ub (Сербия), Raudondvaris (Литва), Lausanne (Швейцария), Vienna (Австрия). Алғашқы рет World Tour алаңында екі қазақстандық команда — Almaty (Mao Team) және Atyrau (Western Wolves) өнер көрсетеді.
Жарыс екі ойын күнінде өтеді. 13 шілдеде негізгі топтың ойындары өтеді (басталуы 15:00-де), 14-ші күні жеңімпаз команда анықталады (басталуы 18:00-де).
Сондай-ақ, қазақстандық данкер Руслан Лигай қатысатын Shoot-out contest (үш ұпайлық лақтыру конкурсы) және Dunk contest (допты жоғарыдан соғу конкурсы) бағдарламасына қатысады.
Турнирді өткізу үшін халықаралық баскетбол федерациясының талаптарына сәйкес келетін уақытша инфрақұрылым салынуда: 3х3 ойынына арнайы мамандандырылған корт, көрермендерге арналған трибуналар, LED-экрандар, техникалық мұнаралар, Fan Village, онда екі күн ішінде келушілер үшін түрлі іс-шаралар өткізілетін болады.
Турнир Алматы қаласы әкімдігінің бастамасымен өткізіледі. Ұйымдастырушы — Рilot Sports 3×3 промоутері. World Tour Almaty-2024 PilotSport2024-тің YouTube арнасында көрсетіледі, сондай-ақ Qazsport телеарнасының эфирінде көрсетіледі.
Осы бірегей оқиғаның бір бөлігі болу мүмкіндігін жіберіп алмаңыз, Алматы қаласының қонағы болыңыз және World Tour Almaty-2024-ке келіңіз. Кіру тегін, трибуналардағы орындар саны шектеулі.
