Көк Төбе – Visit Almaty

Қаланың сүйікті символы

Кок тобе вид сверху

«Көктөбе» саябағы — отбасымен серуендейтін, ғашықтардың кездесетін сүйікті әрі ең танымал орындарының бірі. Саябақ Көктөбе тауында, теңіз деңгейінен 1100 метр биіктікте орналасқан. Оған қаланың орталығынан көлікпен 10 минутта жетуге болады. Бірақ оған көпке танымал арқанжолмен көтеріліп, қала мен тау сұлулығының ерекше үйлесімін тамашалаудан ләззат алуға не жетсін?! Таудың төбесінен тек қала суреттерін ғана емес, сонымен қатар Іле Алатауының адам жанын баурап алар сұлулығын тамашалауға болады.

Танымал телемұнара

Тауда әлемге әйгілі телемұнара көкке бойын созып тұр. Оңтүстік астананың символдарының біріне айналған телемұнара Алматыға арналған ашықхаттардың, фотосуреттердің барлығының ажарын ашып тұр. Телемұнара әлемдегі ең биік мұнаралардың бірі болып табылады. Оның абсолют биіктігі 371,5 метр келеді. Ал таумен қоса есептегенде, оның төбесі теңіз деңгейінен 1452 метр биіктікте орналасқан. Өкінішке қарай, мұнара туристер үшін жабық, сондықтан да оны тек сыртынан ғана тамашалауға болады.

Серуендеуге арналған саябақ

Телемұнараның түбінде серуендеу мен көңіл көтеруге арналған әсем саябақ орналасқан. Онда шағын зоопаркты тамашалауға, Биттлз тобымен суретке түсуге, аттракцион тебуге, әйнекті лабиринтке кіруге, арқанды паркпен секіруге болады. Экстремалды сүйетіндер Fast Coaster шаналарымен 45 км/сағат жылдамдықпен төмен құлдилау мүмкіндігіне ие. Әрине, Көктөбеге шыққан соң, теңіз деңгейінен 1130 метр биіктіктегі шолу доңғалағына мініп, қаланы алақанға салғандай тамашаламай қайтуға болмайды!

Ойын-сауық

2001 жылы қала энтузиастары тобымен ТМД елдерінің арасындағы Битлс тобына арналған алғашқы ескерткіш Көктөбе саябағында орнатылды. Байқаулау платформалары мен мейрамханалардан басқа, саябақта кішкентайлар үшін және экстремалды спорт әуесқойлары үшін көптеген ойын-сауық ұйымдастырылған.

Сондай-ақ қараңыз

Панфилов жаяу жүргіншілер көшесі

Панфилов көшесі 19 ғасырдың екінші жартысында Верный қаласының орталығы солтүстіктен оңтүстікке қарай кесіп өтетін меридиональді ретінде құрылды, онда әскери собор, артиллериялық казармалар орналасқан, ұсақ шенеуніктер, саудагерлер, бай қолөнершілер қоныстанған. Көше орталыққа жанасатын екінші дәрежелі болып саналған, онда қалалық ақсүйектер тұрған.

Толығырақ

Вознесенск кафедралды соборы

Ғимараттың шегесіз салынғаны, әрине, аңыз. Дегенмен, көптеген құрылыс технологиялары алғаш рет дәл осы соборды тұрғызу кезінде сынақтан өткізілді. Мысалы, құрылысқа темірбетонды құрылымдар, ағаш өңдеуге қажетті антисептиктер, ағындық-сорғыштық желдету жүйесі қолданылды. Бірақ сол кездегі ең айтулы жаңалық ретінде биіктігі 41,5 метрге дейін жететін зәулім ғимараттың сейсмикалық төзімділігін айтуға болады. 1887 жылғы алапат жер сілкінісінің салдарын ескере отырып салынған ғимарат архитектуралық технологиялардың озық жетістігі болды.

Толығырақ

Тұнғыш Президент саябағы

Саябақ жасыл желекпен көмкерілген 73 гектар аумақты қамтиды. 11 мыңнан астам ағаштар мен бұталар, гүлдер мен шөптердің сан алуан түрін осы жерде кездестіресіз. Дәстүрлі емен аллеялары, экзотикалық «Жапон бағы», гүлзарлар, пикник ұйымдастыруға болатын көгалдар саябақты қалалықтардың сүйікті демалыс орындарының біріне айналдырған. «Алматы — гүлдер қаласы», «Қуыршақтар карнавалы», «Алма фестивалі» секілді шаралар кезінде саябақтағы өмір ерекше қайнайды.

Толығырақ

«Қазақстан» қонақ үйі

Бұл ғимарат қаланың суреті түсірілген ашық хат атаулының бүкілінің бетін безендіріп, ажарын ашып тұрғанына 30 жылдан асты. Ғимараттың қасбеті кеңестік модерн әдісінің классикалық үлгісінде орындалған, оның басына киген тәжі тектілік пен абыройдың символына айналған. Қонақүй 1977 жылы алғаш рет қонақтар үшін есігін ашты, ал 1979 жылы мемлекеттік маңызы бар сәулет ескерткіштерінің тізіліміне енгізілді.

Толығырақ

Көлсай көлдері

"Тянь-Шань інжу-маржаны", Көлсай көлдері Алматыдан 300 км қашықтықта, Күнгей-Алатау жотасының сілемдерінде орналасқан. Оны Қазақ Швейцариясы деп те атайды. Бұл таулардың тік беткейлерімен қоршалған ең әдемі үш тау көлі. Көлдер әртүрлі биіктікте орналасқан және ерекше каскадты құрайды. Төменгі Көлсай көлі 1800 метр н.у. м. биіктікте, орташа – 2250 метр биіктікте және ең жоғарғы – теңіз деңгейінен 2800 метр биіктікте орналасқан.

Толығырақ

Қайыңды көлі

Тянь-Шань тау жүйесінде теңіз деңгейінен 1900 метр биіктікте орналасқан Қайыңды көлі (Қайыңды) - Қазақстанның табиғи көрікті жері. Ол 1911 жылы қаңтарда ең үлкен жер сілкінісінен кейін пайда болды, нәтижесінде өзенге тосқауыл қойылып, алқап суға толды. Өткен ғасырдың 80-ші жылдарының соңында сел тасқыны өткеннен кейін көлдің ауданы азайды. Бүгінгі таңда резервуардың ұзындығы 400 метр, тереңдігі 25 метр.

Толығырақ

Шарын шатқалы

Шатқалды Америкадағы Гранд-Каньонмен жиі салыстырады. Шарын шатқалы Америкадағы каньоннан көлемі жағынан аздап қана кішілеу болғанмен, сұлулығы жағынан кем түспейді. Шатқалдың жалпы ұзындығы 154 шақырым, ал жасы 12 миллион жыл шамасында. Шатқалдың түбінен Шарын өзені ағып өтеді, оның жалпы ұзындығы 360 шақырымнан асады.

Толығырақ

Таңбалы Тас

Осы тарихи ескерткіште біздің заманымызға дейінгі XIV – XVI ғасырларда тасқа қашап жазылған суреттермен көмкерілген бірнеше үңгір бар. Мұнда жануарлардың бейнелерін, «күн адамдарының» - күн құдайы Тәңірдің символдарын кездестіресіз. Оның қызығы мұнымен бітпейді. Үңгірлерден Будда мен Бурхандардың (Бодхисаттва) кескіндерін, олардың жанында тибет халықтарына тән жазуларды көріп, таң қаларсыз.

Толығырақ

«Алтын Емел» мемлекеттік табиғи паркі

Қонаев қаласына жақын маңда орналасқан қорық аймағына дейін Алматыдан 150 шақырымдай жол жүресіз. Парк Іле өзенінің аңғарына орын тепкен. Ол Қазақстандағы ең алдыңғы қатарлы парктердің бірі болып табылады. Әсіресе табиғат ғажайыптарын, өсімдіктер мен жануарларды қорғаудағы, туристік қызметті ұйымдастыру мен рекреациялық табиғат саласындағы оның маңызы ерекше. «Алтынемел» табиғат аймағының бірегей ерекшелігін, өсімдіктер мен ондағы жануарларды сақтап қалу мақсатында 1996 жылы Қазақстан Республикасы үкіметінің қаулысымен құрылған.

Толығырақ

«Медеу» биік таудағы мұз айдыны

«Медеу» — теңіз деңгейінен 1691 метр биіктікте, Қазақстанның «оңтүстік астанасы» - Алматы қаласының маңында, «Шымбұлақ» тау курортынан сәл төменірек, Медеу шатқалында орналасқан биік таудағы спорт кешені.

Толығырақ

Шымбұлақ

Курорттың орналасқан жерінің өзі тамсандырады — Алматының орталығынан небәрі 1 сағатта оның төріне шығып, ТМД аумағындағы ең биік тау барында кофе ішуге болады. Мұнда, тіпті жаздыгүні күн +30 градусқа дейін қызған кезде де қар жатады. Жазда орташа ауа температурасы +20 градус, ал қыста -7 градус шамасында болады. Орта есеппен жылына аттай 300 күн аспанда бір шөкім бұлт болмайды!

Толығырақ

«Көшпенділер» қаласы

Бұл қала 2005 жылы көрерменге жол тартқан «Көшпенділер» фильмін түсіру үшін арнайы салынған. Қала адам қолынан туған туынды болғанмен, оның айналадағы пейзажбен біте қайнасып, барынша үндесіп тұрғанын көріп жаға ұстайсыз. Қазір бұл қалашықты «Көшпенділер қамалы» деп жиі атайды. Жыл сайын мұнда туристер ағылады. Өалашық Іле өзенінің жағасында, Қапшағай қаласынан 30 шақырымдай жерде орналасқан.

Толығырақ

Алматы қаласының «Метрополитен» КМК

Алматы метрополитені-Алматыдағы көшеден тыс жүрдек рельсті көлік жүйесі. Орталық Азиядағы (Ташкенттен кейін) екінші, Қазақстандағы алғашқы және жалғыз, бұрынғы КСРО аумағында он алтыншы және соңғы (2019 жылғы мамыр) метрополитен 2011 жылғы 1 желтоқсанда ашылды. Бірінші күні, 2011 жылы 1 желтоқсанда 6 сағат ішінде метрополитен қызметін 11 мың жолаушы пайдаланды. Алғашқы 3,5 күнде 130 мыңға жуық жолаушы тасымалданды.

Толығырақ

Республика алаңы

Алаң 1975 жылы ашылды, ал 1980 жылы Қазақстан астанасының басты алаңы ретінде ресми түрде ашылды және көпшілік көрсетілімдер, салтанаттар, мерекелер, әскери шерулер, халықтық серуендер өткізілетін орын болып табылды. Бұл қаладағы ең үлкен алаң, ұзындығы 580 метр және ең кең бөлігінде 210 метрді құрайды. Дәл осы жерде халықтық серуен, шерулер, салтанатты және спорттық шаралар өтеді. 1992 жылы алаңда алғаш рет Наурыз мерекесін тойлау өткізіледі, өйткені қайта құру кезеңінде оны ескі алаңда ғана тойлауға рұқсат берілген.

Толығырақ

Қызыл таң маталар үйі

Бұл ғимарат ХІХ ғасырдың орталарына тән сәулет өнерінің тамаша үлгілерінің бірі болып табылады. Сәулетшісі — сол дәуірдің көптеген қалалық ғимараттарын жобалаған белгілі архитектор П.В. Гурде. Ол Маталар үйі ғимаратын жаңа орыс әдісінде жобалады. Оюмен әшекейленген терезе қащқпақтары, ғимарат қасбетінің симметриялық қасбеті, қабыршақты жабындысы бар күмбез, нақыштар ойылған ернеулер соны көрсетеді. Үй сиқырлы ханшайымның сарайын еске салады.

Толығырақ