Жол талғамайтын көліктермен саяхаттауды қазіргі заманғы атпен жедел марш деп атайды. Алматы өңірі табиғи дестинацияларға толы, бірақ оларға жету үшін кейде өтімділігі жоғары көлік қажет. Ассы үстірті, Алтын Емел, Көлсай немесе Шарын —осы бағыттардың кез келгені бойынша Алматы туристік компаниялары мен гидтеріне жеке автотурға тапсырыс беруге болады. Саяхаттың өзінен бөлек, бұл көптеген қызықты іс-шараларға толы болады: треккинг және хайкинг, далалық ас үй және таза ауада қону. Джип-туризмінің басты артықшылығы — еркіндік, өйткені сіз демалыс уақытын, бағытты өзіңіз айқындай аласыз, бірге баратын топты да таңдай аласыз.
