Алматыда ешқашан ішің пыспайды. Бұл қала – әртүрлі мерекелердің, фестивальдердің, үлкен спорттық жарыстардың және әртүрлі тақырыптық іс-шаралардың орталығы.
Наурыз айында, көктемгі күн мен түннің теңелу күндерінде мұнда жаңаруды, жаңа өмірдің басталуын бейнелейтін Шығыс халықтарының ежелгі, жарқын мерекесі Наурыз кеңінен әрі дәмді отырыстармен атап өтіледі.
Қонақтар мамыр айының аяғында немесе маусым айының басында Орталық Азиядағы заманауи этно музыканың басты шоуы — the spirit of Tengri фестивалінің куәгерлері мен қатысушылары болу үшін арнайы Алматыға келеді. Бірнеше күн бойы Алматының орталығы нағыз ethno-world көңіл-күйінде болады.
Жаз маусымы — Алматыдағы тау шыңдарын бағындыратын уақыт, кейде олар қол созым жерде тұрғандай көрінеді. Бірден бірнеше Альпиниадалары жүздеген экотуризм және шыңға көтерілудің әуесқойлары мен кәсіпқойларын жинайды.
Одан бөлек қаланың туризм басқармасы өткізетін танымал Almaty Mount Fest спорт фестивалі де бар. Мыңдаған қатысушылар туриада, даунхилл, скируннинг және альпиниада сияқты спорт түрлерінде өздерін сынап көре алады. Ерекше қажеттіліктері бар балалар мен адамдарға арналған жаппай тау сапарларының бағыттары бар.
Күзде Алматы қонақтары Орталық Азияның әйгілі жүгіру іс-шарасы — Almaty Marathon-ның қатысушылары мен көрермендері бола алады. Биыл марафон он үшінші рет өтеді. Оған 15000-нан астам жүгіру әуесқойлары қатысады деп болжануда.
Әр қыркүйектің үшінші жексенбісі — Алматы қаласы күні. Күздің алғашқы жылы айы — бұл сүйікті қалаға арналған шексіз фестивальдер кезеңі. Шығармашылық Artbat Fest, «Kitap Fest» кітап фестивалдеріі, оркестрлер, классикалық және заманауи музыка фестивальдері, Apple Fest «алма» іс-шарасы, гастрофесттер… Бір ай бойы жаңа әсерлер, тәжірибелер мен дәмді тағамдардың шексіз шеруі.
Қазан айында алматылықтар мен қала қонақтарын үлкен теннис апталығы күтіп тұр. Мұнда алғаш рет айтулы ATP 250 Almaty Open турнирі өтеді. Әдетте, ATP 250 сериялы турнирлер жаңа есімдерді әлемге танытады, дегенмен спорттық себептерге байланысты ерлер арасындағы әлемдік рейтингтің көшбасшылары бұл турнирлерге тіркеліп қатысады. ATP 250 Almaty Open ұйымдастырушылары іс-шараның жасқа және спорттық қалауға қарамастан барлық адамдар үшін ұмытылмас болатынына уәде берді…
Бұл жыл бойы өтетін жарқын Алматы оқиғаларының шағын тізімі ғана. Алматыға келіп, жаңа тәжірибе алу мүмкіндігін жіберіп алмаңыз.