Қазақ халық музыкалық аспаптар музейі


Бұл мұражайда сіз қазақтың ұлттық әуендерін тыңдай аласыз, музыкалық аспаптарды түпнұсқада көре аласыз, тіпті виртуальды оркестрдің дирижері бола аласыз.
Музыка - халық айнасы

Экспонатқа бай коллекция

Негізінде музей тек қазақтың халық аспаптарымен ғана шектелмейді. Мұнда келіп көрші отырған қырғыз, моңғол, өзбек, т.б. халықтардың да музыкалық аспаптарын, бұйымдарын көруге болады. Тұрақты экспозицияда коллекциялар қорының тек бір бөлігі ғана – 297 экспонат көрсетіледі. Ал жалпы олардың саны 2000-нан асады. Музей коллекциясынан домбыра, қобыз, даңғыра, сылдырмақ секілді музыкалық аспаптардың 40-тан астам түрін табасыз.

Бірегей ғимарат

Музей ғимаратының өзі де тамашалауға тұрарлықтай. Құрылысы 1908 жылы аяқталған зәулім ғимарат қала әлі Верный болып тұрған тұста салынып, күні бүгінге дейін қызмет етіп тұрған ғимараттардың бірі. Музей ғимаратының архитектуралық стилін ежелгі орыс сәулеткерлік әдісіне жатқызуға болады. Қарт ғимарат кезінде Верный офицерлер жиналысының үйі болды, партия клубына да айналды, бірде пошта-телеграф кеңсесі кеп орналасты, «Қызыл жұлдыз» кинотеатрына да қызмет етті. Қазақ халық музыкалық аспаптары музейінің осы ғимараттағы тарихы 1980 жылдан басталады.

Тарихтан — болашаққа

Музей жай ғана көне бұйымдардың жиынтығы емес, деп есептейді музей басшылары. Дәстүрлі өнер туындыларынан тыс, мұнда соңғы технологиялардың жемістерін — голографиялық экскурсия жетекшілерін, ақпаратты мэйтейблдерді, түрлі халықтар мен дәуірлердегі музыкалық фонотеканы кездестіруге болады. Бұдан тыс, музейдің интерактивті залына кірсеңіз, өзіңізді нағыз дирижер ретінде сезініп, виртуалдық музыкалық аспаптар арқылы тұтас оркестрді жасақтай аласыз.
Қарап көріңіз
Сұранымды қалдырыңыз
Жолдарды толтырыңыз
Aты-жөніңіз
Байланыс телефоныңыз
email
Болдырмау