Вознесенск кафедралды соборы


«Шегесіз салынған» ғимарат

Ғимараттың шегесіз салынғаны, әрине, аңыз. Дегенмен, көптеген құрылыс технологиялары алғаш рет дәл осы соборды тұрғызу кезінде сынақтан өткізілді. Мысалы, құрылысқа темірбетонды құрылымдар, ағаш өңдеуге қажетті антисептиктер, ағындық-сорғыштық желдету жүйесі қолданылды. Бірақ сол кездегі ең айтулы жаңалық ретінде биіктігі 41,5 метрге дейін жететін зәулім ғимараттың сейсмикалық төзімділігін айтуға болады. 1887 жылғы алапат жер сілкінісінің салдарын ескере отырып салынған ғимарат архитектуралық технологиялардың озық жетістігі болды.

Көпті көрген ғимарат

1907 жылы салынған храм тек алғашқы 20 жылда ғана дұрыс мақсатта пайдаланылды. Кеңес өкіметінің дінге қарсы саясатының қатаң қадағалауына алынған ғимарат 1929 жылдан кейін қоғамдық мақсаттарға берілді. Тіпті, Собордың қоңырауы антенна ретінде пайдаланылып, ол арқылы Алматы қаласынан алғашқы радиохабарлар таратылды. 1976 жылы Соборда ауқымды реставрация жұмыстары жүргізіліп, 1985 жылы концерттік-көрме павильонына айналдырылды. Тәуелсіздік алғаннан кейін ғана 1995 жылы Храм Орыс православ шіркеуімен қайта қауышты.

Собордағы қазіргі өмір

Қазір ғимарат қолданыстағы химараттар қатарына жатады. Ол Орыс православ шіркеуінің Астана және Алматы епархиясына кіреді. Соборда діни рәсімдер үзбей өткізіледі, жексенбілік мектебі жұмыс істеп тұр, сондай-ақ приход психологының консультациялары өтеді. Ғимарат Қазақстанның республикалық маңызы бар тарихи және мәдени ескерткіштері тізіміне енгізілген
Қарап көріңіз

#visitalmaty


Сұранымды қалдырыңыз
Жолдарды толтырыңыз
Aты-жөніңіз
Байланыс телефоныңыз
email
Болдырмау